![](https://360.scdn8.secure.raxcdn.com/ased/sites/6/2021/09/2020-Int-Logo-640x396.jpg?0)
Mae’n ddiwrnod olaf y Treialon Cŵn Defaid Rhyngwladol ar gaeau Tancastell, Rhydyfelin.
Ers 7.45am bore ma’ mae’r 15 rhedwr gorau o’r ddau ddiwrnod diwethaf yn cystadlu yn y brif bencampwriaeth.
Mae’r cwrs wedi newid a’r amser sydd ganddynt i’w gwblhau bellach yn 30 munud.
Newyddion gwych yw bod Dewi Jenkins, Talybont wedi ennill ei le yn y ffeinal a bydd yn rhedeg 10fed heddiw gyda Jock.
![](https://360.scdn8.secure.raxcdn.com/ased/sites/6/2021/09/received_376265807454369-640x396.jpeg?q9)
Idris Morgan, Bancllyn yn derbyn tlws am y cystadleuydd hynaf fu’n cystadlu yn y Treialon Rhyngwladol eleni.
Hefyd enillodd dlws sbortsmonaeth a ddyfarnwyd gan y beirniaid.
Mae’r canlyniadau yn cael ei darlledu’n fyw yma…
https://www.facebook.com/morfudd.lewis.5/videos/1960655837424056/
Mae’r seremoni wobrwyo wedi dechrau!
Ma’r 15 wedi rhedeg erbyn hyn yn y bencampwriaeth.
Newydd siarad ag ambell un o’r pwyllgor sydd wedi bod ar y cae ers tridiau llawn a chyn hynny yn paratoi. Bydda nhw wedi blino fory!
Ni’n gadael y cae nawr ond bydd y blog yn aros ar agor i’ch diweddaru chi gyda’r canlyniadau maes o law.
![](https://360.scdn8.secure.raxcdn.com/ased/sites/6/2021/09/IMG_20210912_160302-640x396.jpg?0)
Ma’ logo’r treialon eleni yn cynnwys Pendinas a dyma chi lun o sut mae yma brynhawn yma.
Pendinas yn y cefndir wrth i’r defaid ddod trwy’r glwyd bellaf.
Tywydd di troi ma’ rhyw ychydig. Bwrw glaw man!
![](https://360.scdn8.secure.raxcdn.com/ased/sites/6/2021/09/IMG_20210912_153840-640x396.jpg?0)
Cadw llygad ar gapten tîm Cymru, Kevin Evans yn cystadlu. Un ddafad ar ôl i rannu cyn gallith e roi nhw yn y lloc.
![](https://360.scdn8.secure.raxcdn.com/ased/sites/6/2021/09/IMG_20210912_111414_mfnr-640x396.jpg?0)
Dyma’r cwrs ma’ nhw’n rhedeg heddi – mae angen casglu dwy set o ddefaid.
![](https://360.scdn8.secure.raxcdn.com/ased/sites/6/2021/09/IMG_20210912_140047-640x396.jpg?0)
Grêt gweld merch yn rhedeg yn y 15 heddi! Elinore Nilsson o’r Alban.
Clip o rediad Dewi – ma’n cymryd sbel i lwytho clipiau ma!
![](https://360.scdn8.secure.raxcdn.com/ased/sites/6/2021/09/IMG_20210912_134624-640x396.jpg?0)
![](https://360.scdn8.secure.raxcdn.com/ased/sites/6/2021/09/IMG_20210912_134952-308x190.jpg?0)
Dewi wedi rhoi y 5 dafad yn y lloc. Da iawn.
Gobeithio gewn ni ymateb gyda fe yn y man!