Nid fi yw hwn
Er mwyn gadael sylw, mae angen mewngofnodi neu ymuno â’r safle.
gan
Ohebydd Golwg360
Am ddim i BroAber360 / Papurau BroBlog byw am yr effeithiau a’r datblygiadau diweddaraf ynghylch Covid 19 yng ngogledd Ceredigion.
Dyma gyfle i chi rannu diweddariadau pwysig am ddigwyddiadau a gweithgareddau ar lawr gwlad, a chasglu’r enghreifftiau o bobol sy’n gwneud pethe positif dros eraill yn ein cymunedau.
- Gohirio digwyddiadau, ond llu o drigolion yn ein pentrefi a threfi yn dechrau system cyfaill i helpu’r henoed a’r rhai mewn angen
Eisteddfod Genedlaethol Ceredigion yn monitro’r sefyllfa
“Rydym yn monitro’r sefyllfa’n barhaus ac mewn cysylltiad dyddiol gyda Llywodraeth Cymru a’n partneriaid allweddol.
“Ar hyn o bryd, ein gobaith yw cynnal Eisteddfod Genedlaethol Ceredigion yn Nhregaron o 1-8 Awst, ac mae’r staff yn parhau i weithio’n galed er mwyn gwireddu hyn.”
Dim cynlluniau i gau Coleg Ceredigion ar hyn o bryd
Ar hyn o bryd, nid oes unrhyw gynlluniau i gau unrhyw un o gampysau’r Coleg Ceredigion.
Fodd bynnag, mae uwch Dîm Arweinyddiaeth y Coleg yn cynllunio ar gyfer cau.
Mewn datganiad dywedodd y Coleg:
“Diogelwch ein dysgwyr, ein gweithwyr, a’n hymwelwyr yw ein blaenoriaeth.
“Ar hyn o bryd, os ydych yn iach, dylech fynychu’r holl wersi ar yr amserlen, a lleoliadau, oni bai bod tiwtor eich cwrs neu eich tiwtor personol yn rhoi gwybod fel arall i chi.
“Byddem yn annog yn gryf eich bod yn parhau i gynllunio a pharatoi ar gyfer eich arholiadau a’ch asesiadau sy’n agosáu.”
Darllenwch y datganiad llawn ar wefan Coleg Ceredigion.
Emyn dros 60, 2019
EISTEDDFOD GADEIRIOL PENRHYN-COCH 2020
Yn sgîl y pryderon ynglŷn â COVID-19 penderfynwyd canslo Eisteddfod eleni oedd i’w chynnal ddydd Gwener 24 a dydd Sadwrn 25 o Ebrill 2020. Byddwn yn cadw y cynnyrch llenyddol gyrhaeddodd eisoes gan obeithio gallu trefnu Eisteddfod 2021 pan ddaw cyfle.
Dim dirwyon llyfrgell am 3 mis
Mae Llyfrgell Ceredigion wedi cyhoeddi na fydd neb yn wynebu dirwyon am ddychwelyd llyfrau yn hwyr dros y 3 mis nesaf.
Mewn datganiad dywedodd Llyfrgell Ceredigion:
“Dydy ni ddim am i bobol boeni am ddychwelyd llyfrau yn hwyr dros y cyfnod hwn, felly ar gyfer y 3 mis nesaf ni fyddwn yn rhoi dirwy i neb. Os ydych angen adnewyddu eich llyfrau neu edrych ar fenthyg e-lyfrau neu e-lyfrau siarad ffoniwch un o’n llyfrgelloedd am fwy o wybodaeth.”
Am ragor o wybodaeth cliciwch yma
Cau’r Llyfrgell Genedlaethol i’r Cyhoedd
Cau'r Llyfrgell i'r CyhoeddYn sgil y pryderon ynglŷn â lledaeniad COVID-19 ac er lles ein darllenwyr ac ymwelwyr, bydd…
Posted by Llyfrgell Genedlaethol Cymru | The National Library of Wales on Tuesday, 17 March 2020
Darllenwch mwy am hyn ar Golwg360
Diweddariad Coronafeirws gan Ben Lake
‼️ Coronavirus – COVID-19: Tuesday, March 17th interim updateI have received a number of messages from individuals and…
Posted by Ben Lake – Ceredigion on Tuesday, 17 March 2020
Clwb Athletau Aberystwyth
Mae Clwb Athletau Aberystwyth wedi penderfynu canslo holl sesiynau hyfforddi tan ddiwedd mis Ebrill.
Mewn datganiad ar Facebook dywedodd y clwb eu bod nhw hefyd ar ddeall bod un o’u hyfforddwyr ieuenctid wedi bod mewn cyswllt gydag aelod o’i deulu sydd bellach yn dioddef o COVID-19.
Ers hyn mae’r hyfforddwr yn hunan ynysu, ond cyn derbyn y wybodaeth bu’n hyfforddi sesiwn rhedeg blwyddyn 6 nos Fawrth diwethaf (Mawrth 10).
Mae’r Clwb Rhedeg yn annog unrhyw un sydd wedi bod mewn cyswllt gyda’r hyfforddwr i ddilyn cyfarwyddiadau Iechyd Cyhoeddus Cymru a’r Gwasanaeth Iechyd.
£200m i helpu busnesau bach
Llywodraeth Cymru’n yn cyhoeddi pecyn cymorth gwerth £200m i helpu busnesau bach sydd wedi’u heffeithio gan y coronafeirws.
Fe fydd siopau a busnesau hamdden a lletygarwch sydd â gwerth trethiannol o £51,000 neu lai yn derbyn cymorth cyfraddau busnes llawn.
Fe fydd busnesau â gwerth trethiannol rhwng £51,000 a £100,000 yn cael gostyngiad o £5,000 oddi ar eu cyfraddau busnes.
Darllenwch mwy am hyn ar Golwg360
Coronafeirws: neilltuo £200m i helpu busnesau bach #newyddion https://t.co/ndCImX9E43
— golwg360 (@Golwg360) March 17, 2020
Yn y cyfnod rhyfedd a diflas ma, beth os wnewn ni gasglu yr holl enghreifftiau o bobol sy'n gwneud pethe positif dros eraill yn ein cymunedau? ?
Falle gall rhannu ysbrydoli eraill… rhywun am ddechrau pethau bant?
— ? Bro360 (@Bro__360) March 16, 2020
Cyhoeddiad y Prif Weinidog, Boris Johnson
Neithiwr (dydd Llun, Mawrth 16), cyhoeddodd y Prif Weinidog, Boris Johnson gyfres o fesurau i geisio mynd i’r afael a’r coronafeirws.
- Dylai pawb osgoi tafarndai, clybiau a theatrau.
- Ddylai pawb osgoi unrhyw gysylltiad gyda phobl eraill sydd ddim yn angenrheidiol
- Dylai pobl dros 70 oed, menywod beichiog a phobl sydd â chyflyrau iechyd, osgoi cysylltiad cymdeithasol gyda phobl eraill cymaint a phosib.
- Osgoi unrhyw deithio nad oes angen.
- Y Prif Weinidog yn argymell gweithio o adref os yn bosib.
- Dylai unrhyw un sy’n byw gyda rhywun sydd a pheswch parhaus neu dymheredd ynysu eu hunain am 14 diwrnod.
Daw’r mesurau newydd wedi i’r claf cyntaf yng Nghymru farw o’r coronafeirws. Roedd y claf yn 68 oed ac wedi bod yn cael triniaeth yn Ysbyty Wrecsam Maelor.
£475m i Lywodraeth Cymru
Mae Llywodraeth San Steffan wedi cyhoeddi y bydd yn rhoi o leiaf £1.5bn i’r llywodraethau datganoledig i sicrhau bod ganddyn nhw’r adnoddau i helpu pobl a busnesau wrth ymateb i Covid-19.