Nid fi yw hwn
Er mwyn gadael sylw, mae angen mewngofnodi neu ymuno â’r safle.
gan
Caleb Rees
Blog noson yr etholiad, sy’n dod yn fyw o’r cyfrif yng Nghanolfan Hamdden Aberaeron.
- Mwyafrif o dros 6,300 i Ben Lake yng Ngheredigion
- Y Torïaid yn dod yn ail
- Mark Williams yn cyhoeddi na fydd yn sefyll eto. “mae 20 mlynedd yn eitha’ digon” meddai.
“In my heart, Ben is my MP”
Dyna argraffiadau un o dîm y Gwyrddion.
Penparcau! Y blwch olaf i ddod mewn!
Caleb o’r cownt
Awgrym bach o pwy sy’n mynd â hi yng Ngheredigion, yn ôl y samplau ?
Unrhyw un ishe dyfalu’r mwyafrif?
Blychau pleidleisio yn dechrau dod i mewn o ardal Aberystwyth nawr – Tybed a fydd hyn yn cael effaith?
“Byddwn ni’n lwcus o gew ni 3ydd”
Un o dîm y Lib Dems yn ofni’r gwaethaf.
3 o’r ymgeiswyr wedi cyrraedd hyd yn hyn – Gethin James o’r Brexit Party, Chris Simpson o’r Blaid Werdd, a Dinah Mulholland o Llafur (y rhai lleia tebygol o ennill y sedd – o bosib?) ?♂️
Perffaith!!!! Fydda hyn ddim yn digwydd yn unlle arall yn y bydysawd!" Diolch byth am achos i wenu! https://t.co/Locu9sl4QK
— Arwel Jones (@RocetArwel) December 12, 2019
Iep. Ceredigion mor amhosib i'w ddarogan ac erioed!
— GutoA (@cwlcymro) December 12, 2019
Hyn yn dangos pa mor agos yw hi yng Ngheredigion ar hyn o bryd. Amhosib gwybod pwy fydd yn mynd a hi.
Roedd Y Blaid Lafur yn lleol yn hyderus eu bod wedi gwneud cynnydd da dros ddiwrnodau olaf yr ymgyrch.
Dyma argraffiadau Nel Jenkins ar ddiwedd yr ymgyrchu:
“Yng Ngheredigion mae gennym grŵp gwych o weithredwyr gwirfoddol sydd wedi brwydro yn erbyn y tywydd gaeafol i ganfasio ledled y sir. Mae’r ymgyrch wedi mynd o nerth i nerth, rydyn ni wedi gallu hyrwyddo a thrafod ein maniffesto ysbrydoledig, ac wrth gwrs ychydig ddyddiau yn ôl ymwelwyd â ni gan Jeremy Corbyn ei hun. Roedd yn eithaf hyfryd gweld ei fws wedi’i barcio ar y prom yn Aber! Mae’r etholaeth bellach wedi’i chydnabod fel sedd ymylol ac rydym yn obeithiol ein bod wedi adeiladu ar y cynnydd enfawr a enillwyd gennym yn 2017, i gyrraedd y cynnydd o 4.5% sydd ei angen arnom y tro hyn i ethol AS benywaidd cyntaf Ceredigion i San Steffan.
Yn anochel rydym wedi cael trafodaethau am Brexit, ond mae pobl hefyd yn poeni am y goblygiadau i etholaethau gwledig fel Ceredigion os fydd y Torïaid yn ennill mwyafrif. Mae llawer o bobl yn cydnabod mai Llafur yw’r unig blaid sydd â’r niferoedd a’r ewyllys i sicrhau newid radical, a’r ymrwymiad credadwy i gynyddu cyllid i Gymru. Mae llawer o gefnogwyr Llafur a bleidleisiodd yn dactegol yn 2017 wedi dweud wrthym y byddan nhw y tro yma yn pleidleisio â’u calonnau dros gymdeithas garedig a thecach sy’n gweithio er budd y llu yn lle’r lleiafrif.
Mae’r ymgyrch lleol wedi bod yn un gadarnhaol a chyffrous, ac rwy’n falch ac mor ddiolchgar i’m holl gymrodyr sydd wedi gweithio mor galed i chwalu’r myth ras dau geffyl a phlannu’r blaid Lafur yn gadarn yn y ras yng Ngheredigion. Wrth i ni glou heddiw, ni allaf helpu ond deimlo’n obeithiol ein bod ni efallai wedi’i gneud hi y tro yma.”