gan
Ohebydd Golwg360
Eleni bydd Undeb Myfyrwyr Prifysgol Aberystwyth yn cynnig bws wennol am ddim i gludo myfyrwyr o’u neuadd breswyl i’r orsaf bleidleisio.
Mae dros 8000 o fyfyrwyr yn astudio ym Mhrifysgol Aberystwyth, mae disgwyl felly i bleidlais y myfyrwyr chwarae rhan allweddol yn etholaeth Ceredigion.
Mae modd i fyfyrwyr gofrestru i bleidleisio mewn dwy etholaeth wahanol. Yn eu cyfeiriad cartref a’u cyfeiriad yn ystod y tymor. Fodd bynnag, mae’n drosedd bwrw mwy nag un bleidlais ar eich rhan eich hun.
Profodd hystings diweddar a drefnwyd gan yr Undeb yn boblogaidd iawn gyda myfyrwyr. Er hyn, roedd nifer o fyfyrwyr wedi siomi o glywed fod ymgeisydd Plaid Brexit, Gethin James wedi tynnu nôl o’r ddadl ddwy awr yn unig cyn iddi ddechrau.
Roedd Alan Cookson yn cynrychioli’r Blaid Werdd ar y noson gan fod yr ymgeisydd Chris Simpson â “ymrwymiadau etholiadol eraill.”
Roedd yr ymgeiswyr eraill i gyd yn bresennol.
Mae’r bws sydd yn rhedeg rhwng 10:30 – 17:20 yn galw ym mhob neuadd breswyl a gorsaf bleidleisio yn y dref.
Ymgeiswyr Ceredigion:
- Amanda Jenner, Ceidwadwyr
- Chris Simpson, Y Blaid Werdd
- Dinah Mulholland, Llafur
- Mark Williams, Democratiaid Rhyddfrydol
- Ben Lake, Plaid Cymru
- Gethin James, Plaid Brexit