Etholiad 2019 – Blog byw o’r cownt yng Ngheredigion

Oce, tra’n bod ni’n aros.

Cynhalies i a Huw Jones arbrawf bach i weld faint ry’n ni bobol ifanc yn ei wybod am pa bynciau sydd wedi’u datganoli i Gymru, a pha rai sy’n berthnasol i San Steffan.

Ro’n ni eisiau gweld sut effaith oedd yr holl sôn am yr NHS ac addysg yn ystod cyfnod etholiad cyffredinol yn ei chael.

Dyma’r cwestiwn nethon ni ei holi ar Facebook, Twitter ac Insta:

Pwy sy’n rheoli iechyd i ni yng Nghymru?

• Facebook (85 pleidlais): 72% yn dweud Caerdydd; 28% San Steffan
• Twitter (30 pleidlais): 100% yn dweud Caerdydd
• Instagram (15 pleidlais): 80% yn dweud Caerdydd; 20% San Steffan

Diddorol!

Fy Rhagolygon Personol – Wrth edrych ar sut mae pethau’n mynd ar hyn o bryd, dwi’n rhagweld fyd Ben Lake yn ennill gyda mwyafrif o tua 3,800. Cawn weld y canlyniad go iawn cyn bo hir, gobeithio!

Dim ond un ymgeisydd sydd ar ôl heb gyrraedd y cownt yng Ngheredigion…

Wedi cael cyfle i gael sgwrs cyflym gyda Ben a roedd e’n weddol ffyddiog fod pobl Ceredigion wedi’i gefnogi. Fe bwysleisiodd bod yr ymgyrch wedi bod yn un gref a diolchodd bod gymaint o bobl wedi bod allan yn helpu ledled y Sir.

Tîm Plaid Cymru yn y cownt

Dewch gyfrifwyr Ceredigion… #hometown

— Non Gwenhwyfar (@collgwynfa) December 13, 2019

Chop chop!

Ben Lake wedi cyrraedd – pethau’n edrych yn addawol iawn iddo ar hyn o bryd!

Dw i wir argymell dilyn blog byw @Bro__360 o cownt Aberaeron i unrhyw un sy'n dilyn canlyniad Ceredigion. Dw i'n teimlo'n sâl.

— Nia Naseem (@stonecypher) December 12, 2019

Dwi'n byw drwyddo fo ar hyn o bryd. Noson hunllefus. Rhywfaint o gysur yng ngobeithion y blaid mewn ambell sedd a'r Alban yn edrych yn addawol. Ond dal yn hunllef o noson.???

— cefin roberts (@cefinroberts) December 13, 2019

Mae’ch pleidleisiau wedi cael eu dilysu ac maent nawr yn cael eu cyfri! pic.twitter.com/TrwvPoVOyu

— Cyngor Ceredigion (@CSCeredigion) December 13, 2019