Heddwch ar waith yn Aberystwyth

Eglwys Sant Paul yn Aberystwyth oedd lleoliad cynhadledd Heddwch ar Waith ar ddydd Sadwrn, 17eg o Chwefror 2024.

Gyda chefnogaeth ariannol Cyngor Tref Aberystwyth ac Ymddiriedolaeth Joseph Rowntree, amcan y dydd oedd i gynyddu’r cydweithio rhwng mudiadau heddwch a chyfiawnder er lles pobl a chymunedau Cymru a’r byd.

Ymhlith y siaradwyr roedd

• Sam Bannon, Cydlynydd Heddwch ar Waith
• Ben Lake, Aelod Seneddol Ceredigion
• Robat Idris, Cymdeithas y Cymod
• Jill Evans, Dirprwy Gadeirydd CND Cymru
• Jenny Mathers, Uwch ddarlithydd Gwleidyddiaeth ym Mhrifysgol Aberystwyth
• Douglas Jones, Undeb PCS
• Rachel Solnick, Cydweithio Dyffryn Dyfi
• Bilal Fawaz, Ymgyrchydd

Cadeiriwyd y digwyddiad gan Siân Howys a chroesawyd pawb i’r digwyddiad gan y Maer, Cyng Kerry Ferguson.

Roedd yn ddiwrnod positif ynglŷn â’r ffyrdd y gall pob un ohonom annog heddwch a gwrthwynebu militariaeth.