Balchder yn Aberystwyth

Roedd dydd Sadwrn yr 22ain o Ebrill yn bwysig i Aberystwyth am nifer o resymau.

Do, arhosodd Tîm Pêl-droed Aberystwyth yng Nghynghrair Cymru. Do, cafwyd cynulleidfa dda i ddigwyddiadau Gŵyl Crime Cymru – ond roedd hefyd yn ddiwrnod digwyddiad pwysig – Balchder yn Aberystwyth yn y Bandstand.

Diolch i griw bach oedd yn dymuno gweld y digwyddiad yn dychwelyd, daeth tua 200 ynghyd gan gerdded o’r Bandstand i waelod Consti. Roedd hefyd stondinau, dawnsio, cerddoriaeth a dathlu hawliau i bawb

Diolchwyd i Stars a Hufen Ia Aberdyfi am y nawdd.

Ymysg y stondinau roedd

• Prifysgol Aberystwyth
• Undeb Myfyrwyr y Brifysgol
• DDAS
• Bwrdd Iechyd Hywel Dda
• Cyngor Sir Ceredigion
• Unite
• Eglwys St Paul’s

Rydym yn edrych ymlaen at weld y digwyddiad yn dychwelyd flwyddyn nesaf a plîs dilynwch y grŵp ar Facebook. Llongyfarchiadau ar lwyddiant y digwyddiad.