![John-Roberts-ac-Owain-Schiavone](https://360.scdn8.secure.raxcdn.com/ased/sites/6/2021/12/John-Roberts-ac-Owain-Schiavone-308x190.jpg?4t)
John Roberts ac Owain Schiavone yn y lansiad yn y Marine, Aberystwyth
![](https://360.scdn8.secure.raxcdn.com/ased/sites/6/2021/12/Yn-fyw-yn-y-cof-2-copy-308x190.jpg?0)
Lansiwyd nofel newydd John Roberts, Yn fyw yn y cof, ar nos Fercher 15fed o Ragfyr yng Ngwesty Marine, Aberystwyth. Nofel yw hon am dair cenhedlaeth o un teulu. Ceir hanes Anti Glad oedd yn ffermio Tyddyn Bach, ei nai Iorwerth a newidiodd gyfeiriad ei fywyd ar ôl marwolaeth ei fodryb, ac am Bethan ei ferch. Stori am gefn gwlad a’r ddinas, am ofal a chariad ac am ddal dig a dial.
Yn ystod y lansiad, Owain Schiavone oedd yn gyfrifol am y gwaith gwych yn holi John am ei nofel a’r broses o ysgrifennu ac roedd Angharad a Thom o Siop Inc yn gwerthu copïau. Mae’r lansiad ar gael i’w wylio yn ei gyfanrwydd ar dudalen AM Y Lolfa, ar dudalen YouTube Y Lolfa ac ar dudalen Facebook Y Lolfa.
Magwyd John Roberts ar fferm ger Llangïan, Pen Llŷn. Bu’n weinidog am ddeuddeg mlynedd yn Nyffryn Ceiriog, cyn mynd yn gynhyrchydd rhaglenni crefydd ac yna yn is-olygydd BBC Radio Cymru. Mae’n byw yn Aberystwyth ers blynyddoedd gyda’i ferch, Mari Sion hefyd yn byw yn lleol.
Ef yw hefyd awdur Gabriela (hefyd gan y Lolfa).
Mae Yn fyw yn y cof gan John Roberts ar gael nawr yn eich siop lyfrau leol am £8.99.