Mae Heddlu Dyfed Powys yn apelio am wybodaeth ar ôl i graffiti ymddangos ar wal Cofiwch Dryweryn ger Llanrhystud.
Mae’r graffiti bellach wedi gael ei lanhau.
Mewn neges at golwg360, dywed y ffotograffydd Marian Delyth iddi sylwi ar y graffiti wrth fynd heibio’r wal heddiw (dydd Mawrth, Mehefin 30).
“Dw i ddim wedi pasio fan hyn ers deg diwrnod ond fe sylwais hanner awr yn ôl bod graffiti ar wal Cofiwch Dryweryn,” meddai.
Wrth dynnu sylw at y digwyddiad ar ei thudalen Twitter, dywed Elin Jones fod y weithred yn un “afiach”.
Y swastika wedi ei pheintio ar Wal Tryweryn. Afiach. Mae’r heddlu yn ymwybodol ac yn edrych mewn i’r mater.
Police are aware of the swastika on the Cofiwch Dryweryn wall. If you have information, tell the police. This is not a prank – it is sinister and dangerous. pic.twitter.com/EKtWxKgQ4u— Elin Jones (@ElinCeredigion) June 30, 2020