gan
Ohebydd Golwg360
Daeth cyhoeddiad yr wythnos hon mai Amanda Jenner fydd ymgeisydd y Ceidwadwyr yng Ngheredigion ar gyfer etholiadau Senedd Cymru.
Mae Amanda Jenner yn Gynghorydd Sir Powys ac yn gyn-fyfyrwraig ym Mhrifysgol Aberystwyth.
“Mae’r ardal yn agos iawn at fy nghalon – rydw i wedi astudio yma ac mae gen i gysylltiadau teuluol yn Nhregaron,” meddai.
Llongyfarchiadau @CllrAmandaJ! #Ceredigion pic.twitter.com/6Kgk7hhsnX
— Welsh Conservatives (@WelshConserv) November 23, 2020
Mae’r cyn-gyfreithiwr yn nodi bod busnes a ffarmio ymhlith rhai o’i phrif flaenoriaethau.
Dyma’r ail dro iddi sefyll yn etholaeth Ceredigion, wedi iddi ddod yn ail i Blaid Cymru yn yr etholiad cyffredinol llynedd.
Mae Elin Jones o Blaid Cymru wedi cynrychioli Ceredigion yn y Senedd ers 1999 ac wedi bod yn Llywydd ers 2016.
Enillodd yr etholiad yn 2016 gyda’r mwyafrif o 8.2% o’r bleidlais.
Y brodor o Geredigion, Cadan ap Tomos fydd yn cynrychioli’r Democratiaid Rhyddfrydol
I couldn't be prouder to share this news.
I care deeply about Ceredigion's future, which is why I will lead a conversation about building us a stronger, fairer and more prosperous future.
I’m looking forward to championing the issues that matter to you.https://t.co/66J6PLodZE
— Cadan ap Tomos ? (@CadanapTomos) October 16, 2020
“Mae Ceredigion yn fy nghalon ac yn fy ngwaed,” meddai Cadan ap Tomos.
“Mae’r profiadau o’m magwraeth yr ardal wedi cyfrannu gymaint tuag at y person rydw i heddiw ac am hynny rwy’n hynod ddiolchgar.”
Mae disgwyl i’r blaid Lafur gyhoeddi ei hymgeisydd yn fuan.
Bydd etholiadau’r Senedd yn cael eu cynnal Mai 6, 2021