Nid fi yw hwn
Er mwyn gadael sylw, mae angen mewngofnodi neu ymuno â’r safle.
gan
Megan Lewis
Blog byw gan aelodau CFfI Ceredigion ar noson olaf wythnos #dramacardi – uchafbwyntiau pob noson, y feirniadaeth a’r canlyniadau.
- Clwb Ponstian yn mynd â hi ar ddiwedd yr wythnos, gyda CFfI Llangwyryfon yn ail a Chlwb Llangeitho yn drydydd
- Tri aelod oedd wedi sgriptio’r ddrama orau eleni (Endaf, Carwyn a Cennydd)
- Y beirniad Janet Aethwy yn canmol pob clwb am gystadlu ac yn annog pawb i fynd mas i berfformio eto yn eu cymunedau
A dyna ddiwedd y traddodi… canlyniadau nesa!
Tal-y-bont:
“Dechraru tawel o’i gymharu â’r dramâu erall, ond na’th hi ddim aros yn dawel am hir! Bach o ddiffyg disgyblaeth weithiau, ond roedd y bobol ifanc yn sicr yn cael hwyl yn y cartre hen bobol yma!”
Llanwenog:
“Perfformiad abl a hyderus gan Twm Ebbsworth yn y ffars hon, a diwedd yr araith yn gomic iawn. Hoff o olygfeydd y cwc. Pawb yn gweithio’n galed, ac ôl gwaith cyfarwyddo, ond efallai ein bod ni’n colli’r tensiwn o dro i dro.”
Pontsian:
“Diolch yn fawr i Endaf, Cennydd a Carwyn am greu drama wreiddiol. Chwa o awyr iach! Y ddrama wedi’i saernïo’n grefftus, a’r cymeriadau’n rha ni’n adnabod heddiw ac yn siwtio’r actorion i’r dim. Tîm o actorion da yn gweithio’n gelfydd efo’i gilydd. Y cydchwarae ensemble yn gwella wrth fynd ymlaen. Cyfanwaith ardderchog – clod i’r actorion i gyd yn y cynhyrchiad gwych yma.”
Llanddewi Brefi:
“Cynhyrchiad egnïol iawn, ond efallai’n rhy egnïol? Wedi dweud hynny, mi wnes i fwynhau’r perfformiad yn fawr. Mae actio’n feddw yn anodd iawn, ac efallai dylsai Llyr fod wedi gwneud llai weithiau… ond roedd yr hangover yn spot on. Amseru perffaith, a gwaith greanus.”
Lledrod:
“Braf cael manteisio ar ddoniau cyfarwyddwr gyda’r clip radio ar y dechrau! Roedd perfformiadau pawb yn gyson dda a chredadwy a’r ddeialog yn symud yn slic, ond efallai bod tensiwr ar goll ambell waith. Perfformwyr da.”
Felinfach:
“Dewis dewr i gywasgu’r ddrama 3 act yn un o awr – llongyfarchiadau. Set effeithiol – o’r dodrefn cyfnod i’r pethau bach. Er mod i’n meddwl bod y ddrama ychydig yn hen ffasiwn, ac roedd y set a’r gwisgoedd yn effeithiol, ond efallai bod y ddeialog yn eich dal chi’n ôl ar adegau. Rhaid i mi longyfarch bleddyn Thomas am bortread diymdrech o Gwyn – gwaith aeddfed a chryno. Pob clod am fynd i’r afael â’r ddrama yma.”
Mydroilyn:
“Y set a’r gwisgoedd yn lliwgar, ac elfennau gweladwy gryf. Efallai bod angen tipyn mwy o waith yn creu tensiwn a chyflymder addas, ond ymdrech dda gan bawb.”
Llangwyryfon:
“Wrth i’r ddrama fynd rhagddi, roedd yr hwyl yn cynyddu ac roeddech wedi creu cymeriadau cofiadwy iawn. Y ddeialog yn llifo’n tu hwnt o naturiol, ac roedd ’na ddigon o gomedi, yn doedd?”
Trisant:
“Dwi’n eich llongyfarch yn fawr am greu eich gwaith eich hun gyda’r ddrama hon. Perfformiadau graenus gan Megan, Sioned ac Elfed.”