gan
Kerry Ferguson
Mae Cyngor Tref Aberystwyth yn falch o gyhoeddi bod dau gynghorydd newydd wedi eu cyfethol yn dilyn ymddiswyddiadau diweddar Sienna Quinn Lewis-Oldale (Ward Ganolog) a Mathew Norman (Ward Rheidol).
Mae Umar Aslam, ymgeisydd Annibynnol a pherchennog Siop Ffoto, wedi cael ei gyfethol yn gynghorydd newydd y Ward Ganolog. Mae Glynis Somers, sy’n cynrychioli Plaid Cymru, wedi’i chyfethol i wasanaethu Ward Rheidol.
Cynhaliwyd y cyfethol yn ystod Cyfarfod Arbennig o Gyngor Tref Aberystwyth gyda’r nos ar 12fed Awst. Cyflwynodd y ddau gynghorydd newydd eu hunain ochr yn ochr â phum ymgeisydd arall, pob un yn dod â chyfoeth o brofiad ac ymrwymiad i’w rolau priodol.
Mae Umar Aslam a Glynis Somers yn awyddus i ddechrau eu gwaith gyda’r Cyngor, gan gyfrannu at yr ymdrechion parhaus i gefnogi a datblygu cymuned Aberystwyth. Disgwylir i’w cefndiroedd a’u safbwyntiau amrywiol fod yn ychwanegiad gwerthfawr i weithgareddau’r Cyngor.
Hoffem ddiolch i Sienna a Mathew am eu gwasanaeth a’u hymroddiad yn ystod eu tymor fel cynghorwyr.
Am ragor o wybodaeth, cysylltwch â Chyngor Tref Aberystwyth: council@aberystwyth.gov.uk