![Osian-Pryce](https://360.scdn8.secure.raxcdn.com/ased/sites/6/2023/09/Osian-Pryce-640x396.jpg?1k)
Osian Pryce (canol) yn dathlu ennill Rali Ceredigion
![Volkswagen Polo Osian Pryce](https://360.scdn8.secure.raxcdn.com/ased/sites/6/2023/09/DSC_0554-142x88.jpg?3a)
Volkswagen Polo Osian Pryce
![Darrian T90GTR](https://360.scdn8.secure.raxcdn.com/ased/sites/6/2023/09/DSC_0589-142x88.jpg?36)
Darrian T90GTR
![Citroen C3 Steve Wood](https://360.scdn8.secure.raxcdn.com/ased/sites/6/2023/09/DSC_0546-142x88.jpg?3j)
Citroen C3 Steve Wood
![Ford Escort Gary a Linda Thomas](https://360.scdn8.secure.raxcdn.com/ased/sites/6/2023/09/DSC_0617-142x88.jpg?1l)
Ford Escort Gary a Linda Thomas
![Gwyndaf-Evans](https://360.scdn8.secure.raxcdn.com/ased/sites/6/2023/09/Gwyndaf-Evans-142x88.jpg?10)
Gwyndaf Evans
![Peugeot 208 Ioan Lloyd](https://360.scdn8.secure.raxcdn.com/ased/sites/6/2023/09/DSC_0558-142x88.jpg?56)
Peugeot 208 Ioan Lloyd
Y gyrrwr o Fachynlleth Osian Pryce a’i gyd-yrrwr Stephane Prevot, mewn Volkswagen Polo, enillodd Rali Ceredigion JDS Machinery wedi deuddydd o rasio brwd o amgylch gogledd Ceredigion. Wedi adeiladu mantais o 42.7 eiliad wedi’r diwrnod cyntaf, llwyddodd i amddiffyn ei fantais ar yr ail ddiwrnod i ennill yn weddol gyfforddus o 29 eiliad. Dyma’r ail dro i Osian ennill Rali Ceredigion wedi iddo ddod i’r brig yn y rali gyntaf yn 2019.
Roedd y gystadleuaeth am yr ail safle yn agosach gyda Meirion Evans a Jonathan Jackson 8.6 eiliad ar y blaen i James Williams a Dai Roberts yn drydydd. Roedd y trydydd safle yn ddigon i James Williams o Gastell Newydd Emlyn sicrhau ei fuddugoliaeth gyntaf ym Mhencampwriaeth Rali Prydain. Roedd yn gyrru Hyundai i20 N.
Roedd hefyd buddugoliaeth i’r Cymro ifanc Ioan Lloyd o Landysul gyda Siôn Williams yn y dosbarth RC4 yn gyrru Peugeot 208.
Un modur o ddiddordeb lleol oedd y Darrian T90GTR. Mae pencadlys Darrian yn Llangybi ger Llanbed. Daeth John Dalton a Gwynfor Jones yn ddegfed yn y ras. Roedd hi’n braf gweld car Cymreig arall sef y Gilbern yn rasio hefyd.
Roedd hi’n gyfle gwych i yrwyr lleol fwynhau’r rali a nifer yn gyrru’r bytholwyrdd Ford Escort Mk2!
Wrth gael eu cyfweld ar ddiwedd y ras, roedd y gyrwyr i gyd yn canmol y trefnwyr a’r gwirfoddolwyr am yr holl waith caled i sicrhau llwyddiant y ras.
Braslun yn unig yw hyn o’r rali. Am fanylion llawn ewch i www.raliceredigion.co.uk .