![](https://360.scdn8.secure.raxcdn.com/ased/sites/6/2023/12/34CC4A01-2D9A-4AA9-83DB-47D251D95E4A-640x396.jpg?0)
![](https://360.scdn8.secure.raxcdn.com/ased/sites/6/2023/12/28A55C64-EDA6-4A95-836E-BE8C319082FD-225x139.jpg?0)
![](https://360.scdn8.secure.raxcdn.com/ased/sites/6/2023/12/8FE892F4-A9C1-4798-9695-8273D5C07256-225x139.jpg?0)
![](https://360.scdn8.secure.raxcdn.com/ased/sites/6/2023/12/52B07A8F-FA54-4371-B72E-89F27C6BA426-225x139.jpg?0)
Mae gosodiad celf newydd o stori’r Nadolig wedi ymddangos ym Maes Gwenfrewi, y parc hyfryd rhwng Ffordd y Gogledd a Heol y Wig yn Aberystwyth.
Bu’r artist cymunedol Lois Adams yn helpu plant ysgolion y dre i ddylunio a phaentio cyfres o baneli sy’n adrodd Stori’r Nadolig.
Rheolir y parc gan Gyngor Tref Aberystwyth. Pan ofynnodd Eglwys Efengylaidd Aberystwyth am ganiatâd i greu’r Trywydd Nadolig, roedd y Cyngor yn hapus i gymeradwyo’r syniad gan fod yr addurniadau lliwgar hyn yn ychwanegu at naws Nadoligaidd y dre.
Bydd y Trywydd Nadolig yn aros ym Maes Gwenfrewi gydol mis Rhagfyr, ac mae’r parc yn agored yn ystod oriau golau dydd.
Cynhelir gwasanaeth carolau yn seiliedig ar y gwaith celf brynhawn Sul, 17 Rhagfyr, yn Neuadd Llanfarian, man cyfarfod yr eglwys, am 5yp.
Croeso i bawb.