gan
Huw Llywelyn Evans
Plant yr Ysgol Gymraeg yn canu carolau.
Ymweliad annisgwyl Siôn Corn.
Roedd sgwâr Llanbadarn Fawr yn llawn dop ar gyfer seremoni goleuo’r goeden Nadolig ar nos Wener, 24ain o Dachwedd. Cafwyd gwledd o ganu carolau gan ddisgyblion Ysgol Padarn Sant a’r Ysgol Gymraeg i ddiddanu’r dorf.
Amanda Jones, Gogerddan Arms, cafodd yr anrhydedd o droi’r goleuadau ymlaen a’r gweithgareddau’n cael eu llywio gan y Cyng. Gareth Davies, Cadeirydd Cyngor Cymunedol Llanbadarn Fawr.
I goroni’r cyfan profodd ymweliad Siôn Corn yn boblogaidd iawn gyda’r holl blant.