![Arwydd ar gau - llwybr troed ger Camau Bach 1. Hawlfraint Huw Evans](https://360.scdn8.secure.raxcdn.com/ased/sites/6/2021/05/Tirl-6-640x396.jpg?1i)
![Tirlithriad ger Camau Bach, Aberystwyth 2. Hawlfraint Huw Evans](https://360.scdn8.secure.raxcdn.com/ased/sites/6/2021/05/Tirl-1-308x190.jpg?41)
![Tirlithriad ger Camau Bach 3, Aberystwyth. Hawlfraint Huw Evans.](https://360.scdn8.secure.raxcdn.com/ased/sites/6/2021/05/DSC_0141-308x190.jpg?1v)
Hysbyswyd Cyngor Ceredigion yn gynnar bore Sadwrn fod tirlithriad wedi difrodi rhan o’r llwybr graddol oedd yn arwain at y bont dros y rheilffordd ger Ysgol Plascrug/Clwb Rygbi Aberystwyth. Digwyddodd y tirlithriad ar ddarn o’r llwybr tu cefn i Feithrinfa Camau Bach. Daeth y tirlithriad i stop cyn cyrraedd yr adeilad.
Ymatebodd staff y Cyngor ac yn dilyn asesiad caewyd y llwybr graddol (ar gyfer pobl nad oedd yn gallu defnyddio’r stepiau) oedd yn arwain at y bont ar y ddwy ochr. Fel y gwelir yn y lluniau ychwanegol, roedd y tirlithriad wedi tanseilio gweddill y rhan yma o’r llwybr ac roedd craciau pellach i’w gweld. Mae rhan yma o’r llwybr yn debygol o fod ar gau am beth amser.
Mae’n bwysig nodi fod y llwybrau sy’n arwain at y stepiau a’r bont yn dal ar agor ar y ddwy ochr.