Huw Llywelyn Evans
11:00 – Bellach mae rhan o’r llwybr wedi cau ond mae’r stepiau a’r bont ar agor. Mwy o fanylion i ddilyn.
gan
Huw Llywelyn Evans
Dyma’r olygfa toc wedi 7 bore Sadwrn wedi croesi’r bont ger Ysgol Plascrug a gwthio’r beic lawr y llwybr tu ôl i Feithrinfa Camau Bach. Mae’n edrych yn debyg fod y tir wedi llithro a difrodi un ochr y llwybr. Roedd rhwystrau wedi eu gosod ar y llwybr ers misoedd oherwydd craciau yn y llwybr. Yn ddiweddar ehangwyd y rhwystrau wrth i’r craciau ledu.
Mae’n bwysig nodi nad yw’r llithriad yn effeithio ar y stepiau yn arwain at y bont ar hyn o bryd, dim ond y llwybr graddol i’r rhai sydd ddim yn gallu defnyddio’r stepiau, e.e. rhieni gyda choets a phlant ar ei beic ar y ffordd i’r ysgol.
Hysbyswyd aelod o staff Ceredigion am y sefyllfa a bydd BroAber360 yn ail-ymweld a’r safle yn hwyrach heddiw a chynnig diweddariad.