gan
William Howells
Unwaith yn rhagor eleni roedd Eglwys Sant Ioan, Penrhyn-coch dan ei sang ar gyfer y Blygain flynyddol.
Arweiniwyd y gwasanaeth gan y ficer Y Parchg Andrew Loat, a chafwyd darlleniad gan y Parchg Wyn Morris.
Agorwyd y Blygain gan blant Ysgol Penrhyn-coch ac wedyn daeth nifer o unigolion, partïon a chorau ymlaen i ganu. Braf oedd gweld pobl o bob oedran yn cymryd rhan a hefyd gyfeillion o sir Drefaldwyn ac o ardal Parc, y Bala. Diolch iddynt am ddod.
Un sylw a wnaed ar y ffordd allan oedd: ‘That was wonderful. So un-English.’
Ar ôl y wledd o ganu mwynhawyd gwledd o gawl a mins peis yn Neuadd yr Eglwys dan nawdd Cymdeithas y Penrhyn. Diolch i bawb oedd yn gyfrifol am drefnu.
Edrychwn ymlaen i ddathlu 30fed pen blwydd Plygain y Penrhyn yn 2020.
