gan
William Howells
Arddangosfa Coeden Nadolig Eglwys Sant Ioan, Penrhyn-coch
Cynhelir Gŵyl Coeden Nadolig yn Eglwys Sant Ioan Penrhyn-coch eleni eto. Ni roddwyd testun penodol y tro hwn, gan roi cyfle i bawb ddefnyddio’u dychymyg.
Ceir 19 o goed ardduniedig gan gynrychiolwyr amrywiol gymdeithasau’r gymuned gan gynnwys: Cyfeillion yr Eglwys, Ysgol Penrhyn-coch, Sefydliad y Merched, Cinio Cymunedol, Bingo, y Bore Coffi, Capel Horeb, y Cylch Chwarae, Neuadd y Penrhyn, Brownies, y Clwb Celf, Eglwys Penrhyn-coch, Urdd y Gwragedd, Eglwys Elerch, Merched y Wawr, y Cylch Meithrin, Patrasa a’r Clwb Sul.
Pa goeden yw’r orau gennych? Dewch draw i fwynhau dros baned a mins pei.
Bydd yr Arddangosfa ar agor yn Eglwys Penrhyn-coch o 14 Rhagfyr 2019 tan 4 Ionawr 2020 rhwng 2 a 7 o’r gloch.
